AP TEACHERS LATEST UPDATES PRC – DA – FORMATIVE ASSESSMENT EXAM,, SUMMETIVE ASSESMENT EXAMS MODEL PAPERS, PROJECTS, PREVIOUS PAPERS, TEACHERS PAY BILL SOFTWARE, MEDICAL REIMBURSEMENT, ZPPF SLIPS, ZPPF SOFTWARE, APGLI ANNUAL SLIPS,
Chandrayaan-2-landing-live-video-watch-how-vikram-lander-to-make-soft-landing-on-moon
Chandrayaan-2 Moon Landing
ఆ అద్భుత క్షణాలను ఇక్కడ Liveలో చూడండి
మరికొద్ది గంటల్లో ‘చంద్రయాన్-2’ నుంచి విక్రమ్ ల్యాండర్ చంద్రుడి మీదకు దిగనుంది.
ఆ అరుదైన దృశ్యాన్ని లైవ్‌లో చూసే అవకాశాన్ని ఇస్రో మీకు కల్పిస్తోంది. పీఐబీ ఇండియా ‘యూట్యూబ్’లో ఈ వీడియోను షేర్ చేసింది.
శుక్రవారం అర్ధరాత్రి దాటిన తర్వాత సరిగ్గా 1 గంటకు ఈ లైవ్ వీడియోలో ‘చంద్రయాన్-2’ ల్యాండింగ్‌ను చూడవచ్చు.
ఇటీవలే చంద్రయాన్-2 నుంచి వేరుపడిన విక్రమ్ ల్యాండర్ ప్రస్తుతం చంద్రుడికి 35 కిలోమీటర్లు నుంచి 101 కిలోమీటర్ల మధ్య చంద్రుడి చుట్టూ తిరుగుతోంది. శుక్రవారం అర్ధరాత్రి తర్వాత 1.40 గంటల నుంచి 1.55 గంటల మధ్య చంద్రుడిలోని దక్షిణ ధ్రువంలో దిగనుంది.
రాత్రి 1.40కి అది చందమామ దక్షిణ ధ్రువానికి చేరుతుంది. విక్రమ్ ల్యాండర్‌ను విడిచిన చంద్రయాన్-2 ఆర్బిటర్ ప్రస్తుతం చంద్రుడికి 96 నుంచి 125 కిలోమీటర్లు కక్ష్యలో తిరుగుతోంది.
చంద్రుడి మీద విక్రమ్ ల్యాండర్ దిగే స్థలం ఎగుడు దిగుడులతో నిండి ఉంది.
దీంతో శాస్త్రవేత్తలు ల్యాండర్‌కు ఎలాంటి ఇబ్బందులు తలెత్తుతాయో అనే టెన్షన్ నెలకొంది.
ఈ నేపథ్యంలో ‘చంద్రయాన్-2’ ఆర్బిటర్‌కు ఉండే హై రిజుల్యూషన్ కెమేరా ద్వారా అనుకూలమైన స్థలాన్ని వెతికి ల్యాండర్‌ను దించేలా ప్లాన్ చేశారు.
ఆ తర్వాత ల్యాండర్ దిగేందుకు సుమారు 15 నిమిషాలు పడుతుంది.
ఈ మిషన్‌లో ఇదే కీలకమైన ప్రక్రియ.
ఇందులో ఏ మాత్రం తప్పిదం జరిగినా.. ప్రయోగం వ్యర్థమవుతుంది.
చంద్రయాన్-2.. ‘విక్రమ్’ ల్యాండింగ్ వీడియో LIVE (శుక్రవారం అర్ధరాత్రి దాటాక.. 1 గంటకు మొదలు):
ఇలా పనిచేస్తుంది:
-
ఇప్పటికే చంద్రయాన్-2 ఆర్బిటర్ నుంచి విడిపోయిన విక్రమ్ ల్యాండర్.. దానికదే చంద్రుడి చుట్టూ పరిభ్రమిస్తోంది. దానికి ఉండే ఇంధనాలను మండించడం ద్వారా దాన్ని మెల్లగా నిర్దేశిత ప్రాంతంలో దించుతారు.
-
ఇది సెకండ్‌కు మూడు అడుగుల చొప్పున కిందికి దిగుతుంది. అనంతరం ల్యాండర్‌లో ఉండే ప్రజ్ఞాన్ రోవర్ బయటకు వస్తుంది.
-
27 కిలోల బరువుండే ప్రజ్ఞాన్ రోవర్‌లో సోలార్ ప్లేట్లు తెరుచుకుని సూర్యరశ్మిని గ్రహించి పని చేయడం మొదలుపెడుతుంది.
-
ప్రజ్ఞాన్ రోవర్ చంద్రుడిపై తిరిగేందుకు వీలుగా ఆరు చక్రాలను ఏర్పాటు చేశారు. రాళ్లు, గుంతల్లో సైతం సులభంగా ప్రయాణించేలా వీటి చక్రాలను రూపొందించారు.
-
ఈ రోవర్‌లో కూడా ప్రత్యేకంగా ఓ కెమేరాను ఏర్పాటు చేశారు. అది రోవర్ తిరుగుతున్న పరిసరాల ఫొటోలను తీసి విక్రమ్ ల్యాండర్ ద్వారా బెంగళూరులోని ఇండియన్ డీప్‌స్పేస్ నెట్‌వర్క్‌కు ఫొటోలను, ఇతరాత్ర సమాచారాన్ని పంపిస్తుంది.
-
14 రోజులపాటు ప్రజ్ఞాన్ రోవర్ చంద్రుడిపై చక్కర్లు కొడుతుంది. ఆ తర్వాత దక్షిణ దృవంలో అమావాస్య వస్తుంది. ఆ ప్రాంతంలో ఎండ పడకపోవడం వల్ల రోవర్, ల్యాండర్‌ల్లో సోలార్ వ్యవస్థ పనిచేయడం మానేస్తుంది.
-
ఆ సమయంలో -180 డిగ్రీల వరకు ఉష్ణోగ్రతలు నమోదవుతాయని, దాని వల్ల విక్రమ్, ప్రజ్ఞాన్‌లు గడ్డకడతాయని భావిస్తున్నారు.
-
ఎండ వచ్చిన తర్వాత ల్యాండర్, రోవర్‌లు పనిచేస్తాయా లేదా అనేది అనుమానమే. అందుకే శాస్త్రవేత్తలు ఆ 14 రోజుల్లోనే కావల్సినంత సమాచారాన్ని సేకరించాలని భావిస్తున్నారు. అయితే, చంద్రయాన్-2 ఆర్బిటార్ మాత్రం సుమారు ఏడాదిపాటు కొనసాగుతుంది.