1 – 6 తరగతుల వరకు ప్రతి సబ్జెక్టుకు ఒక వర్క్బుక్ ఇవ్వనున్నారు.
వీటిని పాఠశాలల్లోనే విద్యార్థులతో రాయించేలా రూపొందిస్తున్నారు.
ఎలా బోధించాలి? ఎలాంటి మెలకువలు పాటించాలనేది వివరిస్తూ ఉపాధ్యాయులకు హ్యాండ్బుక్ తీసుకొస్తున్నారు.
తల్లిదండ్రులు పాఠశాలల కార్యక్రమాల్లో భాగస్వామ్యులు కావడానికి మరో మార్గదర్శక పుస్తకాన్ని తీసుకొస్తున్నారు.
తల్లిదండ్రులు పాఠశాలలను పరిశీలించడం, పిల్లల చదువులపై వివరాలు తెలుసుకునేలా పుస్తకాన్ని తీసుకురానున్నారు
అంగన్వాడీల్లో పూర్వప్రాథమిక విద్య..
రాష్ట్రవ్యాప్తంగా 3 వేల అంగన్వాడీ కేంద్రాల్లో పూర్వప్రాథమిక విద్యను ప్రారంభించేందుకు సమగ్ర శిక్ష అభియాన్ కింద కేంద్రం నిధులు విడుదల చేసింది.
ప్రభుత్వ పాఠశాలల ఆవరణ, వీటికి సమీపంలోని కేంద్రాల్లో పూర్వప్రాథమిక విద్యను నిర్వహించేలా ప్రణాళిక రూపొందించారు.
దీనిపై ఇప్పటికే సమగ్ర శిక్ష అభియాన్ అధికారులు, మహిళ, శిశు సంక్షేమశాఖ అధికారులతో సమీక్షలు జరిపారు.
మరోసారి సమావేశమై వీటిపై నిర్ణయం తీసుకునే అవకాశముంది.
ఇవికాకుండా సీఆర్డీఏ పరిధిలోని సుమారు 200 అంగన్వాడీ కేంద్రాల్లోనూ పూర్వప్రాథమిక విద్యను ప్రారంభించేందుకు కసరత్తుచేస్తున్నారు. ఇందుకవసరమైన పాఠ్యాంశాల కోసం సమగ్రశిక్ష అభియాన్ సహకారం తీసుకుంటున్నారు.
జాతీయ విద్య పరిశోధన, శిక్షణ మండలి (ఎన్సీఈఆర్టీ) పూర్వ ప్రాథమిక విద్య పాఠ్యాంశాలను రూపొందించింది.
వీటి ఆధారంగా మెటీరియల్ రూపొందించాలని అధికారులు భావిస్తున్నారు.