Four-income-tax-benifits-for-home-loans-2019-20-tax

Four-income-tax-benifits-for-home-loans-2019-20-tax

హోమ్ లోన్‌ తీసుకుంటే.. 4 అదిరిపోయే బెనిఫిట్స్.. రూ.లక్షల్లో డబ్బు ఆదా!

హోమ్ లోన్ తీసుకోవాలని ప్లాన్ చేస్తున్నారా? అయితే ఇంకెందుకు ఆలస్యం. తీసేసుకోండి. సొంతింటి కలను సాకారం చేసుకోండి.

హోమ్ లోన్ తీసుకుంటే.. ఇల్లు కట్టుకోవడంతోపాటు పలు ఇతర ప్రయోజనాలు కూడా పొందొచ్చు

హైలైట్స్

  • కొత్త ఇల్లు కట్టుకోవాలని చూస్తున్నారా?

  • లోన్ తీసుకోవాలని ప్లాన్ చేస్తున్నారా..

  • అయితే మీకు చాలా ఆప్షన్లు అందుబాటులో

  • హోమ్ లోన్‌‌పై పలు బెనిఫిట్స్

సొంతింటి కల ప్రతి ఒక్కరికీ ఉంటుంది. అయితే ఇది అంత చిన్న విషయం కాదు. పెద్ద మొత్తంతో కూడుకున్న వ్యవహారం. అందుకే చాలా మంది కొత్త ఇంటి కల సాకారం చేసుకోవడానికి హోమ్ లోన్ తీసుకుంటూ ఉంటారు. హోమ్ లోన్ తీసుకోవడం వల్ల పలు ప్రయోజనాలు పొందొచ్చు. అవేంటో చూద్దాం..

1. సెక్షన్ 80సీ కింద హోమ్ లోన్ తీసుకున్న వారికి ట్యాక్స్ బెనిఫిట్ లభిస్తుంది. రుణ మొత్తంలో రూ.1.5 లక్షల వరకు పన్ను మినహాయింపు పొందొచ్చు. రుణం తీసుకున్న దగ్గరి నుంచి ఐదేళ్లలోపు ఇంటి నిర్మాణం పూర్తి కావాలి. అలాగే ప్రాపర్టీని 5 ఏళ్లలోపు విక్రయిస్తే.. ట్యాక్స్ డిడక్షన్ బెనిఫిట్స్‌ కోల్పోవలసి వస్తుంది. అంటే విక్రయించిన ఏడాది మీ ఆదాయానికి బెనిఫిట్ రూపంలో పొందిన తగ్గింపు మళ్లీ జతవుతుంది. అప్పుడు మీ పన్ను శ్లాబ్‌కు అనుగుణంగా ట్యాక్స్ పడుతుంది.

2. సెక్షన్ 24బీ కింద హోమ్ లోన్‌పై చెల్లించిన వడ్డీపై రూ.2 లక్షల వరకు తగ్గింపు పొందొచ్చు. ఇంటి నిర్మాణం పూర్తయిన తర్వాత ఆ ఇంట్లో చేరితే అప్పుడు రూ.2 లక్షల వరకు పన్ను తగ్గింపు ప్రయోజనం పొందొచ్చు. ఇంటి నిర్మాణం పూర్తయిన ఏడాది నుంచే ఈ మినహాయింపు పొందగలం.

3. సెక్షన్ 80సీ కింద స్టాంప్ డ్యూటీ, రిజిస్ట్రేషన్ చార్జీలపై కూడా ట్యాక్స్ తగ్గింపు పొందొచ్చు. ప్రాపర్టీ ట్రాన్స్‌ఫర్ సమయంలో ఇలాంటివి ఎదురవుతాయి. ఈ ఖర్చులను కూడా ట్యాక్స్ డిడక్షన్ కింద క్లెయిమ్ చేసుకోవచ్చు. ఇది సెక్షన్ 80సీ కింద ఉన్న రూ.1.5 లక్షల పన్ను మినహాయింపు పరిమితి కిందకు వస్తుంది.

4. సెక్షన్ 80ఈఈఏ సెక్షన్ కింద పన్ను మినహాయింపు ప్రయోజనాలు పొందొచ్చు. హౌసింగ్ ఫర్ ఆల్ స్కీమ్ కింద ఈ బెనిఫిట్ అందుబాటులో ఉంది. 2020 మార్చి 31లోపు ఈ స్కీమ్ కింద తీసుకున్న రుణాలపై చెల్లించే వడ్డీ మొత్తంపై రూ.1.5 లక్షల వరకు పన్ను తగ్గింపు పొందొచ్చు. సెక్షన్ 80ఈఈఏ కింద ట్యాక్స్ బెనిఫిట్ పొందాలంటే రుణ మొత్తం రూ.45 లక్షలు దాటకూడదు. అంతేకాకుండా తొలిసారి ఇంటి కొనుగోలుదారులకే ఇది వర్తిస్తుంది.

INCOME TAX 2019-20 SOFTWARE & COMPLETE DETAILS CLICK HERE

HOUSING LOAN OFFERS COMPLETE DETAILS