how-to-speedup-your-android-smart-phone-2019

Speedup Your Phone: ఫోన్ స్లోగా ఉందా? అయితే ఇలా చేయండి!

స్మార్ట్ ఫోన్ ఉపయోగించే ప్రతి ఒక్కరూ ఏదో ఒక దశలో ఎదుర్కునే సమస్య ఫోన్ స్లో అవ్వడం.

అయితే కొన్ని చిన్న చిన్న చిట్కాలను పాటించడం ద్వారా ఫోన్ తిరిగి బాగా పని చేసేలా చేయవచ్చు.

స్మార్ట్ ఫోన్ ఉపయోగించే ప్రతి ఒక్కరూ ఏదో ఒక దశలో ఫోన్ స్లో అయ్యే సమస్యను ఎదుర్కొనే ఉంటారు.

బ్రాండ్ ఎంత మంచిదైనా ఈ సమస్య అప్పుడప్పుడు ఎదురవుతూ ఉంటుంది.

అందువల్ల ఈ సమస్య తలెత్తిన ప్రతిసారీ కంపెనీని తిట్టుకోవడం సరికాదు.

కొన్ని చిన్న చిన్న పద్ధతులు పాటించి ఈ సమస్యను అధిగమించవచ్చు. 

1. మీ ఫోన్ ను అప్ డేట్ చేసుకోండి ఎట్టి పరిస్థితుల్లో ఫోన్ సాఫ్ట్ వేర్ అప్ డేటెడ్ గా ఉండేలా చూసుకోండి. ఎందుకంటే పాత వెర్షన్ లో ఉండే లోపాలు, బగ్స్ వంటి వాటిని నివారించి కొత్త అప్ డేట్లో లోపాలు లేకుండా ఇవ్వడానికి కంపెనీలు ప్రయత్నిస్తారు.

కాబట్టి ఎప్పటికప్పుడు తప్పనిసరిగా అప్ డేట్ చేసుకోవాలి.

సాఫ్ట్ వేర్ అప్ డేట్లు వచ్చినప్పుడల్లా మీకు నోటిఫికేషన్ వస్తుంది.

మీరు దాని నుంచి చేసుకోవచ్చు. లేకపోతే సెట్టింగ్స్ లో అబౌట్ ద డివైస్ కు వెళ్లి, అక్కడ సాఫ్ట్ వేర్ అప్ డేట్ పై క్లిక్ చేయడం అప్ డేట్ చేసుకోవచ్చు.

2. హోం స్క్రీన్ పై యాప్స్ లేకుండా చూసుకోవాలి
మీ హోం స్క్రీన్ మీద కూడా ఎక్కువ యాప్ ఐకాన్స్ లేకుండా చూసుకోవాలి.

హోం స్క్రీన్ మీద ఎక్కువ యాప్ ఐకాన్స్ ఉంటే స్క్రీన్ గజిబిజిగా కనిపించడమే కాకుండా పనితీరు కూడా స్లో అవుతుంది.

కాబట్టి అవసరం లేని యాప్ ఐకాన్స్ ను హోం స్క్రీన్ మీద నుంచి తీసేయండి.

3. అవసరం లేని యాప్స్ ను అన్ ఇన్ స్టాల్ చేయండి
కొన్ని సార్లు మనం యాప్స్ ను ఫోన్ లో ఇన్ స్టాల్ చేశాక వాటి అవసరం తీరాక అలాగే వదిలేస్తాం.

ఇలా ఫోన్ లో అనవసరమైన యాప్స్ ఉండటం కారణంగా స్టోరేజ్ నిండిపోయి, ఫోన్ పనితీరు మీద కూడా దాని ప్రభావం పడుతుంది.

కాబట్టి అవసరం లేని యాప్స్ ను ఎప్పటికప్పుడు అన్ ఇన్ స్టాల్ చేయడం, ఒకవేళ అవి సిస్టం యాప్స్ అయితే డిజేబుల్ చేయడం ఉత్తమం.

4. క్యాచీ డేటా ఎప్పటికప్పుడు క్లియర్ చేయండి
యాప్స్ ను ఉపయోగించడం ద్వారా మన ఫోన్ లో చేరే క్యాచీ డేటా ఆ యాప్ ఉపయోగించేటప్పుడు వేగంగానే పనిచేస్తుంది. ఫోన్ మెమొరీలో అధిక భాగాన్ని తినేయడం ద్వారా మొత్తంగా చూసినప్పుడు ఫోన్ సామర్థ్యాన్ని తగ్గించేస్తుంది.

కాబట్టి దాన్ని ఎప్పటకప్పుడు క్లియర్ చేసుకుంటూ ఉంటే మంచిది. ప్రత్యేకంగా ఏదైనా యాప్ కు సంబంధించిన క్యాచీ డేటా క్లియర్ చేయాలనుకుంటే యాప్ సెట్టింగ్స్ లో ఆ యాప్ కు మాత్రమే సంబంధించిన డేటాను క్లియర్ చేసుకోవచ్చు.

లేదు అంటే ఫోన్ లో ఉండే క్లీనర్ యాప్స్ ద్వారా మొత్తం క్యాచీ డేటాను కూడా క్లియర్ చేసుకునే అవకాశం ఉంది.

5. ఆటో సింక్ ఆపేయడం మనలో చాలా మంది ఫోన్లలో చాలా యాప్స్ లో అకౌంట్స్ ఓపెన్ చేసి వదిలేస్తూ ఉంటాం. అయితే అవన్నీ బ్యాక్ గ్రౌండ్ లో ఆటోమేటిక్ గా సింక్ అయ్యేటప్పుడే అసలు సమస్య ఎదురవుతుంది.

ఇది ఫోన్ పనితీరు మీద ప్రభావం చూపడమే కాకుండా, బ్యాటరీ జీవితకాలాన్ని కూడా తగ్గించేస్తుంది.

కాబట్టి అవసరమైన కొన్ని యాప్స్ కు మాత్రమే సింక్ ఆప్షన్ ఎనేబుల్ చేసుకోవడం ఉత్తమం.

6. టాస్క్ కిల్లర్ యాప్స్ ను వాడకండి సాధారణంగా మనలో చాలా మంది టాస్క్ కిల్లర్ యాప్స్ ను ఉపయోగించడం వల్ల ఫోన్ వేగంగా పని చేస్తుందనుకుంటారు.

కానీ నిజానికి వీటి వల్ల ఫోన్ పనితీరు ఇంకా స్లోగా అయిపోతుంది.

నిజానికి యాప్ లను ఆండ్రాయిడ్ చాలా తెలివిగా నిర్వహిస్తుంది.

అవసరం లేదనుకున్న యాప్ ను అదే బ్యాక్ గ్రౌండ్ లో నడవకుండా ఆపేస్తుంది.

ఈ టాస్క్ కిల్లర్ యాప్స్ ను ఉపయోగించి యాప్ లను ఒక్కసారిగా ఆపేయడం కారణంగా మనం ఆ యాప్ ను మళ్లీ ఓపెన్ చేసినప్పుడు ఓపెన్ అవ్వడానికి ఎక్కువ సమయం పడుతుంది.

అంతేకాకుండా బ్యాటరీ సామర్థ్యాన్ని కూడా ఎక్కువగా ఉపయోగించుకుంటుంది.

7. ఏదీ పనిచేయకపోతే రీసెట్ చేసేయండి
ఒకవేళ పైన తెలిపిన పద్ధతుల్లో ఏదీ పని చేయకపోతే అన్నిటి కంటే మెరుగైన ఆప్షన్ ఒకటి ఉంది. అదేంటంటే ఫోన్ ను రీసెట్ చేసేయటం.

మీ ఫోన్ లో ఎప్పటి నుంచో పేరుకుపోయిన చెత్త మొత్తాన్ని ఇది డిలీట్ చేసి మెరుగ్గా పనిచేసేలా చేస్తుంది. అయితే రీసెట్ చేస్తే డేటా మొత్తం పోతుంది కాబట్టి డేటా బ్యాకప్ తీసుకుని రీసెట్ చేయండి.