interesting-story-of-corona-town-in-California-united-states-USA

interesting-story-of-corona-town-in-California-united-states-USA

కరోనా అంటే వైరస్ మాత్రమే కాదు నగరం కూడా… ఎక్కడుందో తెలుసా?

మీరు ఇప్పటి వరకూ కరోనా వైరస్ గురించి విన్నారు.

కానీ కరోనా సిటీ గురించి ఎప్పుడైనా విన్నారా.

లేకపోతే ఈ స్టోరీని తప్పక చదివి తెలుసుకొండి.

కరోనా వైరస్ పేరు వింటే ఇప్పుడు ప్రపంచ దేశాలు భయపడే పరిస్థితి. చైనాలోని ఊహాన్ లో మొదలైన ఈ మహమ్మారి ఇప్పుడు ఇండియా సహా ప్రపంచంలో దాదాపు అన్ని దేశాలకు వ్యాపించింది.

ఇప్పటి వరకూ ఈ వైరస్ ప్రభావానికి ప్రపంచ వ్యాప్తంగా 3 లక్షల 50 వేల మందికి పైగా ప్రజలు గురి కాగా 15 వేలకు పైగా ప్రజలు మరణించారు. భారత్ లో ఇప్పటికే చాలా నగరాలు లాక్ డౌన్ అయిన పరిస్థితి ఉంది.

కరోనాకు సంబంధించి ప్రతి అప్డేట్ ను ప్రజలు ఆన్ లైన్ లో, టీవీల ద్వారా మిస్ కాకుండా తెలుసుకుంటున్నారు.

ఈ నేపధ్యంలో కరోనా గురించి ఒక విషయం చాలా మందిని ఆశ్చర్యపరుస్తుంది. అదేంటంటే… కరోనా పేరుతో వైరస్ మాత్రమే కాదు ఒక నగరం కూడా ఉంది. అవునండీ ఇది నిజం. 

ఎక్కడ ఉంది? 

గూగుల్ లో ఈ మధ్యకాలంలో కరోనా అనే కీవర్డ్ బాగా సెర్చ్ అవుతుంది.

సెర్చ్ రిజల్ట్స్ లో కరోనా వైరస్ తో పాటు కరోనా సిటీ గురించి కూడా చాలా మంది తెలుసుకుంటున్నారు.

ఇంతకీ ఈ నగరం ఎక్కడ ఉందో ఇప్పుడు చూద్దాం. 

కరోనా కాలిఫోర్నియాలోని ఒక అందమైన నగరం. 1,55,000 కంటే ఎక్కువ జనాభా ఉన్న ఈ నగరం లాస్ ఏంజిల్స్ కు ఆగ్నేయంగా 45 మైళ్ల దూరంలో ఉన్న పశ్చిమ రివర్ సైడ్ కౌంటీ లోని శాంటా అనా పర్వత ప్రాంతంలో ఉంది.

కరోనాలో దాదాపు వందల ఎకరాల్లో ఉద్యానవనాలు ఉన్నాయి.

వీటిలో అనేక రకాల వినోద సౌకర్యాలు కలవు. అంతే కాకుండా ప్రఖ్యాత డే స్పా, మ్యూజిక్ మ్యూజియం, గో కార్ట్ రేస్, జిప్లింగ్ వంటి అనేక పర్యాటక ఆకర్షణలతో కరోనా టూరిస్టులను ఎంతో ఆకట్టుకుంటుంది. 

సందర్శనకు సరైన సమయం 

కాలిఫోర్నియాలోని కరోనా సంవత్సరంలో ఏ సమయంలోనైనా సందర్శించదగ్గ అద్భుతమైన గమ్యస్థానాల్లో ఒకటి. వేడి వేసవి కాలంలో, చల్లని శీతాకాలంలో ఈ నగరం వివిధ రకాల ఆకర్షణలను కలిగి ఉంటుంది. కరోనా వైరస్ ఎంత భయంకరమైనదో కరోనా సిటీ అంత ఆనందకరమైనది.

పర్యాటకులు సంతోషంగా సమయం గడిపేందుకు ఇక్కడికి వస్తుంటారు.

ఈ నగరంలో కొన్ని ప్రముఖ పర్యాటక ప్రదేశాలపై కూడా ఇప్పుడు ఓ లుక్కేద్దాం రండి. 

కరోనా హెరిటేజ్ పార్క్ & మ్యూజియం 

కరోనా హెరిటేజ్ పార్క్ & మ్యూజియంలో ఉన్న భవనాలు వాస్తవానికి 1900 ప్రారంభంలో నిర్మించబడ్డాయి.

ఇందులో రైల్ రోడ్ మ్యూజియం, స్పెషల్ సెంటర్, ఆర్ట్ గ్యాలరీ వంటివి ప్రత్యేక ఆకర్షణలు. ఈ పార్క్ లో ఫీల్డ్ ట్రిప్స్, గార్డెనింగ్, సాంస్కృతిక కార్యక్రమాలు, వివాహాలు వంటి ఎన్నో కార్యక్రమాలు నిర్వహించబడతాయి.

ఈ మ్యూజియం ఉదయం 10.00 గంటల నుండి మధ్యాహ్నం 2.00 గంటల వరకూ తెరిచి ఉంటుంది. 

కరోనా ఆర్ట్ గ్యాలరీ 

కళల పట్ల అధ్యయనాన్ని ప్రోత్సహించడానికి, అభివృద్ధి చేయడానికి ఈ ఆర్ట్ గ్యాలరీ ఉద్దేశించబడింది.

చారిత్రాత్మక సివిక్ సెంటర్ లో ఉన్న కరోనా ఆర్ట్ గ్యాలరీ ప్రతి సంవత్సరం కనీసం ఏడు ఆర్ట్ ఎగ్జిబిషన్లను నిర్వహిస్తుంది.

స్థానిక ప్రాంతానికి చెందిన అనేక మంది కళాకారులకు ఇది ఒక అద్భుతమైన ప్రారంభ కేంద్రంగా పని చేస్తుంది.

సందర్శకులు గురువారం నుండి ఆదివారం వరకూ మధ్యాహ్నం 12.00 నుండి సాయంత్రం 4.00 వరకు ప్రవేశ ఛార్జీ లేకుండా గ్యాలరీను అన్వేషించవచ్చు. 

స్కల్ కన్యాన్ జిప్ వే 

స్కల్ కన్యాన్ జిప్ లైన్ 160 ఎకరాల విస్తీర్ణంలో విస్తరించి ఉంది.

ఇంటర్ స్టేట్ 15 నుండి ఇక్కడికి కొన్ని నిమిషాల దూరం మాత్రమే.

అతిధుల కోసం ఇక్కడ నాలుగు రకాల జిప్ లైన్ కోర్సులు అందుబాటులో ఉంటాయి.

వీటిని రిజర్వేషన్ ద్వారా మాత్రమే ఎంపిక చేసుకోవాలి.

ఒరిజినల్ కోర్స్ కిడ్ ఫ్రెండ్లీగా ఉంటుంది. ఇందులో పది నిమిషాల హైక్, ఆరు జిప్ లైన్ లు 2800 అడుగుల పొడవు, భూమికి 80 అడుగుల ఎత్తులో ఉంటాయి.

ఎక్స్ ట్రీమ్ కోర్సు ఐదు జిప్ లైన్లతో 200 అడుగుల ఎత్తు, 6,100 అడుగుల పొడవు ఉంటుంది.

మాంస్టర్ ఏడు జిప్ లైన్లుతో 300 అడుగుల ఎత్తు, 9,100 అడుగుల పొడవు కలిగి ఉంటుంది. ఇది పర్యాటకులకు గొప్ప వినోదకరమైన ఎంపిక. 

ఇతర పర్యాటక ఆకర్షణలు 

సిట్రస్ సిటీ గ్రిల్లే, ది హాట్ డాగ్ షాపీ, లూనా మోడ్రన్ మెక్సికన్ కిచెన్, డోస్ లాగోస్ గోల్ఫ్ కోర్స్, షాప్స్ ఎట్ డోస్ లాగోస్, పోల్ పొజిషన్ రేస్ వే, కోరోన్ బర్గ్ పునరుజ్జీవనం మొదలైనవి. 

దక్షిణ కొరియా: 7 నిమిషాల్లోనే కరోనా పరీక్ష.. నో లాక్‌డౌన్, టెక్నాలజీతో కోవిడ్‌ను గెలిచిందిలా!

WHAT IS LOCK DOWN? PUBLIC DOS AND DONT’S READ

error: Content is protected !!