ErrorException Message: syntax error, unexpected '' (T_ENCAPSED_AND_WHITESPACE), expecting '-' or identifier (T_STRING) or variable (T_VARIABLE) or number (T_NUM_STRING) https://amaravathiteacher.com/jobs/wp-content/plugins/dmca-badge/libraries/imperative/
grama-ward-sachivalayam-jobs-exams-preparation-tips-model-papers
ఈ పరీక్షల్లో మెరుగైన స్కోరు సాధించటానికి పాటించాల్సిన మెలకువలు..
ఏపీలో గ్రామ, వార్డు సచివాలయాల్లో 16,207 పోస్టుల నియామకం కోసం ప్రభుత్వ ఆధ్వర్యంలోని పంచాయతీరాజ్, పురపాలక శాఖలు నోటిఫికేషన్లు విడుదల చేశాయి.
ఇందులో గ్రామ సచివాలయాల్లో 13 రకాలు.. వార్డు సచివాలయాల్లో 6 రకాల ఉద్యోగాలున్నాయి. దరఖాస్తు గడువు ముగిసింది.
ఈనెల 20 నుంచి 26 వరకు రాత పరీక్షలు జరగనున్నాయి.
ఈ పరీక్షల్లో మెరుగైన స్కోరు సాధించటానికి పాటించాల్సిన మెలకువలు తెలుసుకుందాం..
ముఖ్య సమాచారం:
మొత్తం పోస్టులు: 16,207
గ్రామ సచివాలయం పోస్టులు: 14,061
వార్డు సచివాలయం పోస్టులు: 2,146
పరీక్షలు ప్రారంభం: సెప్టెంబర్ 20, 2020
ప్రశ్నల తీరుతెన్నులు: గతంలో జరిగిన గ్రామ వార్డు సచివాలయ ఉద్యోగాల పరీక్షలు చాలా కఠినంగా ఉన్నాయన్నది అభ్యర్థుల భావన.
వాస్తవానికి సివిల్స్, గ్రూప్స్కు చదివినవారు చాలావరకు మంచి స్కోర్లు సాధించారు.
కారణం వారికి ప్రాథమికాంశాలపై (బేసిక్స్)పై పట్టుతో పాటు స్థూలంగా అన్ని అంశాలపైనా అవగాహన ఉండటం.
దీనికి భిన్నంగా మొదటిసారి పోటీ పరీక్షలు రాస్తున్న అభ్యర్థులు ఒకటి రెండు పుస్తకాలను బట్టీ పట్టి అందులోంచి ప్రశ్నలు రాలేదని భావించారు.
అదేవిధంగా వ్యాస రూపంలో ప్రశ్నలు అడగటం, చదివేందుకు ఎక్కువ సమయం పట్టేలా ప్రశ్నలు ఉండటం, నేరుగా సమాధానాలు లేకపోవడం మొదలైన అంశాల వల్ల క్లిష్టతగా భావించారు. దీంతో ఈ సారి రాసే అభ్యర్థులు బట్టీ విధానం కాకుండా సబ్జెక్టుపై పట్టు సాధించాలి.
కేటగిరీ-1 ఈ విభాగంలో పంచాయతీ కార్యదర్శి, వార్డు పరిపాలన కార్యదర్శి, మహిళా సంరక్షణ అధికారి లేదా కార్యదర్శి ఉద్యోగాలను భర్తీ చేయనున్నారు.
వీటికి సంబంధించిన పరీక్షలను పరిశీలిస్తే పరీక్ష రెండు విభాలుగా ఉంటుంది.
అందులో ఎ-విభాగంలో 75 మార్కులు- 75 ప్రశ్నలు, బి-విభాగంలో 75 మార్కులు- 75 ప్రశ్నలు ఉంటాయి.
ఈ ప్రశ్నలన్నీ జనరల్ స్టడీస్ విభాగానికి చెందినవి.
మిగతా కేటగిరీల ఉద్యోగాలన్నిటిలోనూ జనరల్ స్టడీస్కు 50 మార్కులు, వారి వృత్తి, సంబంధిత సబెక్ట్కు వంద మార్కులు ఉంటాయి.
రివిజన్ ఉత్తమం: కేటగిరీ-1 అభ్యర్థులు పూర్తిస్థాయి జనరల్ స్టడీస్ అంశాలను రివిజన్ ద్వారా పట్టు సాధించడానికి ప్రయత్నించాలి.
కొత్తగా సబ్జెక్టులు నేర్చుకునే ప్రయత్నం చేయకపోవడం ఉత్తమం.
కేటగిరీ- 2, 3 అభ్యర్థులు కనీసం రెండు నుంచి మూడు గంటలు 50 మార్కులకు ఉద్దేశించిన జనరల్ స్టడీస్పైనా దృష్టి పెడితే ప్రయోజనకరం. వర్తమానాంశాలు, సంక్షేమ- అభివృద్ధి కార్యక్రమాలు, గ్రామీణాభివృద్ధి లాంటి అంశాలపై దృష్టి పెట్టడం లాభిస్తుంది.
పరీక్ష ఏదైనా జనరల్ స్టడీస్ కీలకం అన్నీ కేటగిరీల పరీక్షల్లో కూడా జనరల్ స్టడీస్లో సాధించిన మార్కులే అంతిమ విజయాన్ని నిర్దేశిస్తాయి.
మిగతా కేటగిరీల్లో ఈ జనరల్ స్టడీస్ 50 మార్కులే అయినప్పటికీ సబ్జెక్టు సంబంధిత విషయాల్లో మెరుగైన అభ్యర్థులందరూ దాదాపుగా ఒకే స్థాయిలో ప్రతిభ ప్రదర్శించే అవకాశం ఉంది.
అందుకని 50 మార్కులకు గాను గరిష్ఠ మార్కులు పొందగలిగినవారికే విజయావకాశాలు ఉంటాయి. అందువల్ల అన్నీ కేటగిరీల అభ్యర్థులు జనరల్ స్టడీస్ను ప్రధానంగా భావించాలి.
పథకాలపై అవగాహన ప్రధానం: గ్రామ, వార్డు సచివాలయ ఉద్యోగాలన్నీ క్షేత్రస్థాయిలో పనికి సంబంధించినవి.
అందువల్ల మన గ్రామ వ్యవస్థ ప్రజల సమస్యలు, ప్రభుత్వ అభివృద్ధి, సంక్షేమ పథకాలు వంటి అంశాలు పరీక్షలో కీలకంగా మారనున్నాయి. కేంద్ర రాష్ట్ర ప్రభుత్వాలు గ్రామీణాభివృద్ధికి ఇస్తున్న ప్రాధాన్యాలను అర్థం చేసుకోవాలి.
కేంద్ర రాష్ట్ర ప్రభుత్వాల ఆర్థిక సర్వేలో ఇలాంటి విషయాలను బాగా ప్రస్తావిస్తారు.
ప్రస్తుతం ఆంధ్రప్రదేశ్ ప్రభుత్వం సంక్షేమ పథకాలు, వాటి అమలు, నవరత్నాల అమలు వంటి అంశాలపై అధిక ప్రశ్నలు అడిగే అవకాశం ఉంది. అదేవిధంగా నీటిపారుదల, విద్యా, వైద్య రంగాల్లో జరుగుతున్న కార్యక్రమాలపైనా ప్రశ్నలు రావచ్చు. ప్రభుత్వం ఆమోదించిన బిల్లులు, తయారైన చట్టాలు ప్రశ్నల రూపంలో కనిపిస్తాయి. ఈ అంశాలపై సంక్షిప్తంగా తయారైన పుస్తకాల సమాచారాన్ని వినియోగించుకుంటే మంచి ఫలితం ఉంటుంది.
సైన్స్ అండ్ టెక్నాలజీ ముఖ్యం: జనరల్ సైన్స్ అంశాల కంటే శాస్త్ర సాంకేతికత, పర్యావరణ అంశాలకు మొదటి విడతలో జరిగిన పరీక్షల్లో అధిక ప్రాధాన్యం ఇచ్చారు.
భౌతిక రసాయన శాస్త్రాలు, వృక్ష జంతుశాస్త్ర అంశాల్లో 1, 2 ప్రశ్నలు వచ్చాయి. అయితే శాస్త్ర సాంకేతిక రంగాల్లో సంబంధిత ప్రశ్నలు గ్రామస్థాయి దృష్టిలో పెట్టుకుని అడిగే అవకాశం ఉంది. కరోనా నేపథ్యంలో వ్యాధుల సంబంధిత అంశాలపై రకరకాలుగా అడగవచ్చు.
పర్యావరణ పరిరక్షణ మరో కీలకమైన అంశం.
బడ్జెట్పై అవగాహన: 2019-20 ఆర్థిక సర్వేలో రంగాలవారీగా సాధించిన ప్రగతితో పాటు 2020-21 బడ్జెట్లో వివిధ రంగాలకు కేటాయించిన కేటాయింపులపై ప్రశ్నలు రావొచ్చు.
ముఖ్యంగా విద్య, వైద్యం మొదలైన రంగాల్లో ప్రశ్నలు రావచ్చు.
ప్రభుత్వ ప్రాధాన్యం అధికంగా ఉన్న రంగాల నుంచి ప్రశ్నలు అధికంగా వచ్చే అవకాశం ఉంది.
కరెంట్ అఫైర్స్ కీలకం: కరెంట్ అఫైర్స్పై ప్రశ్నలు ఎక్కువగా వచ్చే అవకాశం ఉంది. పరీక్షకు కొద్ది రోజులే ఉండటం వల్ల కనీసం రోజుకు రెండు- మూడు గంటల సమయాన్ని కరెంట్ అఫైర్స్ అధ్యయనానికి కేటాయించాలి.
బిట్ల రూపంలో కాకుండా సంఘటనల, పరిణామాల రూపంలో చదవడానికి ప్రయత్నం చేస్తే కొంతవరకైనా పట్టుకు అవకాశం ఉంటుంది.
ప్రముఖ అంతర్జాతీయ అంశాలతోపాటు కరోనా సంబంధిత అంశాలతో ముడిపడిన సాధారణ పరిజ్ఞానంపై దృష్టి పెట్టాలి.
జనవరి నుంచి జరిగిన కాలాన్ని ఆధారం చేసుకుని కరెంట్ అఫైర్స్ సిద్ధమైతే అనువుగా ఉంటుంది.
అందుబాటులో ఉన్న సమయాన్ని బట్టి గత మూడు నాలుగు నెలల కాలానికి సంబంధించి కరెంట్ అఫైర్స్పై పట్టు సాధించాలి.
భౌగోళికంపై పట్టు: గ్రామ, పట్టణ కార్యదర్శులకు సంబంధించిన తొలి విడతపరీక్షలో ఈ విభాగంపైన బాగా ప్రశ్నలు అడిగారు.
అందువల్ల 13 జిల్లాల ఆంధ్రప్రదేశ్ని వివిధ కోణాల్లో పరిశీలించటం అవసరం. ముఖ్యంగా ఎకనమిక్ జాగ్రఫీ కోణంపై పట్టు ఉండాలి. ఆంధ్రప్రదేశ్ జనాభా, వివిధ అంశాల్లో ఆంధ్రప్రదేశ్ స్థాయి, మండలాలు- గ్రామాల సంఖ్య, గిరిజన ప్రాంతాల వివరాలు లాంటి మౌలిక అంశాలపై ప్రశ్నలు వచ్చే అవకాశం అధికం.
భాషా సామర్థ్యం: గత పరీక్షలను పరిశీలిస్తే అభ్యర్థుల తెలుగు, ఆంగ్ల భాషా సామర్థ్యాలను పరిశీలించేందుకు ప్రాధాన్యం ఇచ్చారు.
ఆ పరంపరలో ఒక పేరాగ్రాఫ్ ఇవ్వటం, దాన్ని చదివి ప్రశ్నలకు సమాధానాలు ఇవ్వటం అనే రూపంలో ప్రశ్నలున్నాయి.
నేరుగా వ్యాకరణ సంబంధిత ప్రశ్నలూ కనిపిస్తున్నాయి.
అందువల్ల తగిన సమయం ఉంటే రెండు భాషల వ్యాకరణాంశాలను ఒకసారి పునశ్చరణ చేసుకుంటే మంచి మార్కులు సాధించవచ్చు.
మెంటల్ ఎబిలిటీ ముఖ్యం: తొలి విడత పరీక్షల్లో అభ్యర్థుల మానసిక సామర్థ్యాల (మెంటల్ ఎబిలిటీ) అధ్యయనానికి ప్రాధాన్యం ఇచ్చినట్లు అర్థమవుతుంది.
మానసిక సామర్థ్యాలు బలంగా కలిసి ఉన్నప్పుడే వృత్తిలో రాణించటానికి అవకాశం ఉంటుంది. కాబట్టి ఆ దిశగా ప్రశ్నలు వచ్చే అవకాశం ఉంది. ఈ కొద్ది రోజుల్లో మెంటల్ ఎబిలిటీస్కు సంబంధించిన అంశాలపై పట్టు సాధిస్తే మంచిది.