నచ్చిన కొటేషన్స్, ఫోటోలు, వీడియోలు షేర్ చేసుకోవడానికి ఓ ప్లాట్ఫామ్.
ఇప్పుడు మీరు వాట్సప్లో బ్యాంకింగ్ సేవలు కూడా పొందొచ్చు.
బ్యాంకులో మీ అకౌంట్కు సంబంధించిన ఎలాంటి సమాచారమైన రియల్ టైమ్లో తెలుసుకోవచ్చు.
హెచ్డీఎఫ్సీ, కొటక్ మహీంద్రా, సారస్వత్, ఏయూ స్మాల్ ఫైనాన్స్ బ్యాంక్ లాంటి బ్యాంకులు ఇప్పటికే వాట్సప్ ద్వారా బ్యాంకింగ్ సేవల్ని అందిస్తున్నాయి. ఈ సేవల కోసం బ్యాంకులు అదనంగా ఎలాంటి ఛార్జీలు వసూలు చేయట్లేదు.
కస్టమర్లకు వేగంగా సమాచారాన్ని అందివ్వాలన్న ఉద్దేశంతో ఉచితంగానే వాట్సప్లో బ్యాంకింగ్ సర్వీసుల్ని అందిస్తున్నాయి.
ఇలా వాట్సప్లో అకౌంట్లకు సంబంధించిన సమాచారాన్ని అందించడం వల్ల బ్రాంచ్లపై, ఫోన్ బ్యాంకింగ్ డివిజన్పై పనిభారం కూడా తగ్గుతుంది. అయితే వాట్సప్లో బ్యాంకింగ్ సేవలు అనేసరికి కస్టమర్లకు అనేక అనుమానాలు రావడం సహజం.
మీరు కూడా వాట్సప్లో బ్యాంకింగ్ సేవలు ఎలా పొందాలి? ఏఏ సేవలు పొందొచ్చు?
వాట్సప్లో బ్యాంకింగ్ సేవలతో లాభనష్టాలేంటీ? తెలుసుకోండి.
WhatsApp Banking: వాట్సప్లో బ్యాంకింగ్ సేవలు పొందండి ఇలా…
వాట్సాప్ బాట పడుతున్న బ్యాంకులు
ఇప్పటికే వాట్సాప్ సేవలు అందిస్తున్న చాలా బ్యాంకులు
మిని స్టేట్మెంట్ నుంచి ప్రిఅప్రూవ్డ్ రుణాల వరకు పలు సర్వీసులు
మీరు వాట్సప్లో బ్యాంకింగ్ సేవలు పొందాలంటే ముందుగా సంబంధిత నెంబర్కు రిజిస్టర్డ్ మొబైల్ నెంబర్ నుంచి మిస్డ్ కాల్ ఇవ్వాలి.
ఆ నెంబర్ను బ్యాంక్ వెబ్సైట్లో తెలుసుకోవచ్చు. వేర్వేరు బ్యాంకులకు వేర్వేరు ఫోన్ నెంబర్లు ఉంటాయన్న విషయం గుర్తుంచుకోవాలి.
మీకు వాట్సప్లో బ్యాంకింగ్ సేవలు కావాలనుకుంటే మిస్డ్ కాల్ ఇవ్వడం తప్పనిసరి. మిస్డ్ కాల్ ద్వారా సేవలు పొందేందుకు మీరు సమ్మతి తెలిపినట్టవుతుంది.
ఆ తర్వాత మీకు వాట్సప్లో బ్యాంకు నుంచి వెల్కమ్ టెక్స్ట్ మెసేజ్ వస్తుంది.
మీరు ఆ నెంబర్ను సేవ్ చేసుకోవాలి. ఏదైనా బ్యాంక్ సర్వీస్ పొందాలనుకుంటే ముందుగా ‘Hi’ అని టైప్ చేయాలి.
ఆ తర్వాత స్క్రీన్ మీద వచ్చే ఇన్స్ట్రక్షన్స్ని బట్టి మెసేజెస్ పంపాల్సి ఉంటుంది.
WhatsApp Banking: వాట్సప్లో ఏఏ బ్యాంకింగ్ సేవలు పొందొచ్చు?
వాట్సప్ బ్యాంకింగ్ సేవలు ప్రారంభించిన తర్వాత మీకు గతంలో బ్యాంకు నుంచి ఎస్ఎంఎస్లో వచ్చిన నోటిఫికేషన్స్ ఇకపై వాట్సప్లో వస్తాయి.
మీ కార్డులు, ఫిక్స్డ్ డిపాజిట్లు, మినీ స్టేట్మెంట్, ప్రీఅప్రూవ్డ్ లోన్స్ లాంటి వివరాలన్నీ వాట్సప్లో తెలుసుకోవచ్చు.
పైన ఇమేజ్లో చూపించినట్టుగా వివరాలు తెలుసుకోవచ్చు.
ఒకవేళ మీకు ఫిక్స్డ్ డిపాజిట్ ఉన్నట్టైతే వాటి వివరాలను తెలుసుకోవచ్చు.
ఏ సేవలకు ఏం టైప్ చేసి పంపాలో బ్యాంకులు వివరిస్తాయి.
వేర్వేరు బ్యాంకుల్ని బట్టి ఈ కీవర్డ్స్ మారుతుంటాయి.
WhatsApp Banking: వాట్సప్లో బ్యాంకింగ్ సేవలతో లాభనష్టాలేంటీ?
మీ స్మార్ట్ఫోన్ ఎవరైనా కొట్టేస్తే? వాట్సాప్ బ్యాంకింగ్ సర్వీసులు సురక్షితమైనప్పటికీ మీ ఫోన్ను ఎవరైనా కొట్టేస్తే అప్పుడు వ్యక్తిగత సమాచారంతోపాటు బ్యాంకింగ్ వివరాలు కూడా అవతలి వారికి చేరే అవకాశముంది.
ఇలాంటి ఘటనలు జరిగినప్పుడు ఆ విషయాన్ని బ్యాంకులకు వెంటనే తెలియజేయండి.
ఇలాంటి సమయంలో వాట్సాప్ బ్యాంకింగ్ అకౌంట్ను డీయాక్టివేట్ కూడా చేసుకోవచ్చు.
దీని కోసం ఫోన్ పోయిందని, అకౌంట్ డీయాక్టివేట్ చేయాలని [email protected]కు మెయిల్ పంపాల్సి ఉంటుంది.
అలాగే సంబంధిత బ్యాంకుకు కూడా ఈ మెయిల్ పంపండి.
తర్వాత కొత్త ఫోన్ కొనుగోలు చేసిన తర్వాత మళ్లీ వాట్సాప్ బ్యాంకింగ్ అకౌంట్ను యాక్టివేట్ చేసుకోవచ్చు.
వాట్సప్లో ఎండ్-టు-ఎండ్ ఎన్క్రిప్షన్ ఉండటం వల్ల వాట్సప్ బ్యాంకింగ్ సురక్షితమే.
మీ అకౌంట్ సమాచారం ఇతరులకు తెలిసే అవకాశం లేదు. అయితే మీరు మీ అకౌంట్ నెంబర్లు, పిన్, పాస్వర్డ్ లాంటి వివరాలేవీ ఎంటర్ చేయాల్సిన అవసరం లేదు.
సమాచారం తెలుసుకోవడం తప్ప లావాదేవీలు చేయడం వాట్సప్ బ్యాంకింగ్లో సాధ్యం సాదు.
ఒకవేళ మీ ఫోన్ పోయినట్టైతే వెంటనే బ్యాంకుకు సమాచారం ఇవ్వడం మర్చిపోవద్దు.
లేకపోతే మీ ఫోన్ ఎవరికైనా దొరికితే వాళ్లు మీ అకౌంట్ సమాచారాన్ని ఈజీగా తెలుసుకోగలరు.
ఒకవేళ మీ ఫోన్ పోతే వెంటనే “Lost/Stolen: Please deactivate my account” అని టైప్ చేసి [email protected] ఇమెయిల్ ఐడీకి మెయిల్ పంపాలి.
కంట్రీకోడ్తో కలిపి మీ ఫోన్ నెంబర్ ఎంటర్ చేయాలి. అంటే మీ 10 అంకెల ఫోన్ నెంబర్ ముందు కంట్రీ కోడ్ +91 తప్పనిసరిగా ఉండాలి.
మీరు మెయిల్ పంపిన వెంటనే మీ వాట్సప్ అకౌంట్ డీయాక్టివేట్ అవుతుంది.
లేదా మీరు వెంటనే కొత్త సిమ్ తీసుకొని, కొత్త ఫోన్లో వాట్సప్ యాక్టివేట్ చేయాలి.
దీంతో పోగొట్టుకున్న ఫోన్లో వాట్సప్ డీయాక్టివేట్ అవుతుంది.