WHATSAPP-SECURITY-TIPS-ISSUED-BY-INDIAN-ARMY
భారతదేశంపై సైబర్ దాడికి యత్నాలు.. Whatsapp యూజర్లు పాటించాల్సిన జాగ్రత్తలు తెలిపిన ఇండియన్ ఆర్మీ
భారతదేశంలోని కొన్ని పోలీస్ శాఖలు, భారతదేశ భద్రతా దళాలకు చెందిన మొత్తం 98 కంప్యూటర్ సిస్టంలపై పాకిస్తాన్, చైనాకు చెందిన హ్యాకర్లు దాడి చేసే అవకాశమున్నట్లు మిలటరీ ఇంటెలిజన్స్ వర్గాల నుంచి సమాచారం అందింది.
ఉత్తర ప్రదేశ్, పంజాబ్, మధ్యప్రదేశ్, రాజస్తాన్ లకు చెందిన పలువురు పోలీసు అధికారులు, ఇండియన్ ఆర్మీ, ఎయిర్ ఫోర్స్, నేవీ, పారామిలటరీ దళాలకు చెందిన పలువురు అధికారుల సోషల్ మీడియా ఖాతాలపై దాడులు చేసేందుకు ఈ హ్యాకర్లు ప్రయత్నించారు.
అయితే భారతదేశ సైన్యానికి చెందిన వారి సోషల్ మీడియా అకౌంట్లపై దాడి జరగడం ఇదే మొదటిసారి కాదు. 2018లో కూడా ఇలాంటి దాడి చేసేందుకు ప్రయత్నాలు జరిగాయి.
దీంతో హ్యాకర్ల బారిన పడకుండా ఉండేందుకు భారత ఆర్మీ.. వాట్సాప్ యూజర్లకు పలు జాగ్రతలు అందించింది.
గ్రూప్ ల విషయంలో జాగ్రత్తగా ఉండండి
భారత ఆర్మీ జవాన్లు, సామాన్య ప్రజలు కూడా గ్రూపుల విషయంలో జాగ్రత్త వహించాల్సిందిగా పేర్కొంది.
ఈ దాడులు ఎక్కువగా వాట్సాప్ గ్రూపులనే లక్ష్యంగా చేసుకుని జరుగుతున్నందున్న వాటిలో వచ్చే మెసేజ్ లపై క్లిక్ చేసేటప్పుడు జాగ్రత్త వహించాలని, అనుమానాస్పద లింకులు ఏవైనా కనిపిస్తే గ్రూప్ అడ్మిన్ కు సమాచారం ఇవ్వాలని తెలిపారు.
+86 నంబర్లతో మరింత ప్రమాదం
+86తో ప్రారంభమయ్యే నంబర్లు వాట్సాప్ లోకి చొరబడి డేటాను దొంగిలిస్తున్నాయి.
కాబట్టి ఈ నంబర్లపై ఓ కన్నేసి ఉంచండి.
ఈ తరహా నంబర్లు పలుమార్లు ఆర్మీ అధికారుల వాట్సాప్ గ్రూపుల్లోకి చొరబడి డేటాను దొంగిలించడానికి ప్రయత్నించాయి.
కాబట్టి ఈ నంబర్లతో మీకు అనుమానాస్పద మెసేజ్ లు వస్తే వెంటనే బ్లాక్ చేసేయండి. గ్రూపుల్లో కనిపిస్తే గ్రూప్ అడ్మిన్లకు సమాధానం ఇచ్చి తగు చర్యలు తీసుకోమని సూచించండి.
నంబర్ మారిస్తే పాత సిమ్ విరిచేయండి
ఒకవేళ మీరు మొబైల్ నంబర్ ను మార్చినా లేదా మొబైల్ నంబర్ పోర్టబులిటీ ద్వారా వేరే నెట్ వర్క్ కు మారిపోయినా మీ పాత సిమ్ ను వెంటనే ధ్వంసం చేయండి.
లేకపోతే అందులో ఉండే చిప్ ద్వారా మీ డేటాను దొంగిలించడం లేదా సిమ్ క్లోనింగ్ చేయడం వంటి ప్రమాదాలకు దారి తీస్తుంది.
అంతే కాకుండా నంబర్ మార్చినట్లయితే పాత నంబర్ తో ఉన్న అన్ని గ్రూపుల నుంచి ఎగ్జిట్ అయిపోయి, వాట్సాప్ ఖాతాను కూడా తొలగించండి.
గ్రూపులను ఎప్పటికప్పుడు పరిశీలిస్తూ ఉండండి
మీ వాట్సాప్ లో ఉన్న గ్రూపులను ఎప్పటికప్పుడు పరిశీలిస్తూ ఉండండి. ఎప్పటికప్పుడు ఇలా చేస్తూ ఉండటం ద్వారా గ్రూపులో ఏవైనా అనుమానాస్పద మెసేజ్ లు కనిపించినా, అనుమానాస్పద నంబర్లు గ్రూపుల్లో యాడ్ అయినా వెంటనే తెలుసుకుని తగు జాగ్రత్తలు తీసుకునే అవకాశం ఉంది.
కొత్త నంబర్లతో జర భద్రం
వాట్సాప్ గ్రూపుల్లో యాడ్ కొత్త నంబర్లు ఏవైనా యాడ్ అయితే గ్రూప్ అడ్మిన్ కు వారికి సంబంధించిన వివరాలు తెలుసో లేదో కనుక్కోండి.
అంతేకాకుండా ఆయా నంబర్ల నుంచి వచ్చే మెసేజ్ లను పరిశీలిస్తూ ఉండండి.
ఏదైనా అనుమానాస్పద మెసేజ్ లు కనిపిస్తే గ్రూప్ సభ్యులను అప్రమత్తం చేసి అడ్మిన్ కు సమాచారం అందించండి.
నంబర్ మారిస్తే గ్రూప్ అడ్మిన్ కు సమాచారం
ఒకవేళ మీరు ఎప్పుడైనా మీరు మీ నంబర్ మారిస్తే గ్రూప్ అడ్మిన్ కు ఆ విషయం తెలిపి, మీ కొత్త నంబర్ ను ఇవ్వండి.
లేకపోతే మీ పాత నంబర్ ద్వారా ఎవరైనా ఆ గ్రూపులో చేరి వారి సమాచారాన్ని దొంగిలించే అవకాశం ఉంది.
కాబట్టి నంబర్ మారిస్తే వెంటనే ఆ సమాచారాన్ని గ్రూప్ అడ్మిన్ కే కాకుండా మీ వాట్సాప్ కాంటాక్ట్ లిస్ట్ లో ఉన్న వారందరికీ అందించండి.
మీరే గ్రూప్ అడ్మిన్ అయితే మరింత జాగ్రత్త అవసరం
ఒకవేళ మీరు వాట్సాప్ గ్రూప్ కు అడ్మిన్ అయితే మరింత జాగ్రత్తగా ఉండటం అవసరం. ఎందుకంటే ఒకవేళ మీరు ఏదైనా గ్రూప్ కు అడ్మిన్ అయితే ఆ గ్రూపులో వచ్చే మెసేజ్ లకు మీరే బాధ్యత వహించాల్సి ఉంటుంది.
కాబట్టి ఈ విషయంలో మరింత జాగ్రత్తగా ఉండటం ఎంతైనా అవసరం.
ఎందుకంటే ఇలాంటి ఘటనల్లో గ్రూప్ అడ్మిన్ లపైనే మొదటగా కేసులు నమోదైన సందర్భాలు మన దేశంలో కోకొల్లలుగా ఉన్నాయి.
AP TEACHERS LATEST UPDATES PRC – DA – FORMATIVE ASSESSMENT EXAM,, SUMMETIVE ASSESMENT EXAMS MODEL PAPERS, PROJECTS, PREVIOUS PAPERS, TEACHERS PAY BILL SOFTWARE, MEDICAL REIMBURSEMENT, ZPPF SLIPS, ZPPF SOFTWARE, APGLI ANNUAL SLIPS,
